சந்திராயன் 2 செயற்கைக்கோள் 2014ம் ஆண்டு விண்ணில் ஏவப்படும்!

 

வரும் 2014 ஆம் ஆண்டில் சந்திராயன் 2 செயற்கைக் கோள் விண்ணில் ஏவப்படும் என்றும் அதற்கான ஆயத்தப் பணிகள் தீவிரமடைந்துள்ளது என்றும் இஸ்ரோ தலைவர் ராதா கிருஷ்ணன் கூறியுள்ளார். நேற்று சென்னையில் நடை பெற்ற விழா ஒன்றில் கலந்து கொண்டு பேசிய இஸ்ரோ தலைவர் ராதாகிருஷ்ணன், செய்தியாளர்களை சந்தித்தார். அப்போது, வரும் 2014 ஆம் ஆண்டில் சந்திராயன் 2 செயற்கைக் கோள் விண்ணில் ஏவப்படும் என்றும், அதற்கான ஆயத்தப் பணிகளை விஞ்ஞானிகள் மும்முரமாக செய்து வருகின்றனர் என்றும் கூறியதோடு, சந்திராயன் 1 முழுக்க முழுக்க இந்தியாவின் தயாரிப்பில் உருவானது என்றும், அதே போன்று இப்போது சந்திராயன் 2 ம் உருவாகும் என்றும் கூறினார். வரும் பிப்ரவரி மாதத்தில், பிஎஸ்எல்வி சி 20 செயற்கைகோளும், ஜிஎஸ்எல்வி டி 5 செயற்கைகோளும் ஏவப்படும் என்றும், அதோடு செவ்வாய் கிரகத்தை சுற்றி ஆய்வு செய்யும் செயற்கைகோளும் திட்டமிடப் பட்டுள்ளதாகவும் அவர் தெரிவித்தார்.